Pa ken Qredits ta?

Pa ken Qredits ta?

Qredits tey pa cada empresario cu kier lanta un negoshi nobo y esnan cu ya tin un negoshi existente na Aruba. Nos solucionnan ta dirigi riba lanta un empresa nobo, pero tambe riba sigui construi un empresa existente.

Grupo meta

Qredits tin un grupo meta amplio. Mas y mas empresario na Aruba no tin of tin insuficiente acceso na financiamento pa negoshi y/o coaching pagabel. Sea bo ta hoben o grandi, homber o muhe, cu derecho riba penshiun of ta empleado cu salario, sea bo ta un empresario independiente sin personal, uno cu ta start of existente.

E productonan di Qredits ta dirigi riba (futuro) empresarionan cu tin mester di sosten ora di lanta o continua nan empresa, kende no tin acceso na e circuito financiero regular o no por haya asistencia economico na un tarifa comercial. No obstante edad, procedencia o pasado laboral. Esakinan ta hendenan cu

  • tin un plan di negoshi bon funda y mester di un fiansa comercial pa esaki;
  • tin un idea potencial realistico, cual cu asistencia economico por converti den un plan di negoshi completo;
  • te cu awor tin insuficiente abilidad empresarial y cu si lo kier desaroya esaki cu asistencia economico;
  • kende mester di coaching pa lanta of continua nan negoshi.

Balornan fundamental di Qredits

Conecta

Qredits ta kere cu cooperacion ta conduci na exito. Nos ta construi un red activo di negoshi, organisacion social y di boluntario. Nos ta stimula nos clientenan pa construi nan propio red. Y nos ta conecta e empresa cu nos socionan.

Personal

Cerca Qredits e empresario y su plan ta para central. Nos ta envolvi personalmente cu nos clientenan. Nos ta bin cerca e cliente na cas y hunto nos ta wak e plannan y e posibilidadnan. Nos ta pensa hunto cu bo, mantene contacto y nos ta flexibel.

Social

Qredits kier contribui na comunidad. Nos meta ta pa haci commercio accesibel. Ademas nos ta un fundacion sin fin di lucro. Qredits kier yuda bo realisa bo pasion y si ta necesario ofrece bo un di dos chens.

Comercial

Qredits ta dirigi su mes riba empresarionan cu un plan di negoshi realistico o cu ta aspira esaki. Nos ta realista y practico. E servicio ta dirigi riba sobrebibencia di e empresario. Nos tin un plan di negoshi basa riba sobrebibencia cu ta enfoca riba exito di nos clientenan.

Pa ken Qredits ta?