Ken ta Qredits?

Ken ta Qredits?

Qredits ta un fundacion cu ta sostene bo como empresario pa yuda bo haci bo negoshi nobo un exito of ta inverti den no negoshi.

Esaki nos ta haci dor di ofrece recursonan unico pa siña skirbi un plan di negoshi, coaching personal y otorga microfiansa te Afl. 100.000. Nos meta ta pa haci soño di empresarionan bira realidad y pa cu esey nos ta mira mas tanto e posibilidadnan na luga di wak e imposibilidadnan. Un punto di salida positivo pues!

Mision

Qredits ta ofrece coaching y Microfiansa na empresarionan cu ta (start) den empresanan mediano y chikito na Aruba, cu no tin acceso na e diferente servicionan  (financiero) den e circuito regular,  di modo cu nan lo por ricibi independencia economico, financiero y social. Cu esaki Qredits kier promove e industria empresarial na Aruba. Qredits ta haci esey dor di  ofrece un combinacion di recurso, coaching y solucion pa fiansa na empresarionan nobo cu ta (start). Qredits kier logra cu esaki:

  • stimula pa lanta un propio negoshi;
  • laga empresarionan cu ta (start) haci un escogencia bon detaya pa lanta un negoshi;
  • ofrece empresarionan cu ta (start) mas chens pa start y pa sobrebibi;
  • ofrece empresarionan cu ta (start) e posibilidad pa bira financieramente/economicamente independiente;
  • dor di forma un brug pa e empresarionan aki cu ta (start) pa sigui crece te yega e sector financiero regular.

 
E misionnan aki ta keda traduci den e 4 normanan fundamental di nos organisacion.

Metodo

E metodo di Qredits ta diferente cu mayoria di e instancianan cu ta ofrece prestamonan comercial. Nos ta ofrece hopi atencion personal y flexibilidad na nos clientenan. No solamente den palabra, sino cu esaki ta incorpora den tur nos producto y procesonan. Ehempelnan di esakinan ta:

  • evaluacion di bo plan di negoshi pa un asesor di empresa na bo cas;
  • nos ta tene cuenta cu bo situacion personal;
  • nos ta keda un punto di contacto fiho despues di otorga e fiansa;
  • solucionnan personal y coaching pagabel;
  • curso online practico pa yuda construi bo negoshi.

 
Wak awor e pelicula comercial di Qredits:

Balornan fundamental di Qredits

Conecta

Qredits ta kere cu cooperacion ta conduci na exito. Nos ta construi un red activo di negoshi, organisacion social y di boluntario. Nos ta stimula nos clientenan pa construi nan propio red. Y nos ta conecta e empresa cu nos socionan.

Personal

Cerca Qredits e empresario y su plan ta para central. Nos ta envolvi personalmente cu nos clientenan. Nos ta bin cerca e cliente na cas y hunto nos ta wak e plannan y e posibilidadnan. Nos ta pensa hunto cu bo, mantene contacto y nos ta flexibel.

Social

Qredits kier contribui na comunidad. Nos meta ta pa haci commercio accesibel. Ademas nos ta un fundacion sin fin di lucro. Qredits kier yuda bo realisa bo pasion y si ta necesario ofrece bo un di dos chens.

Comercial

Qredits ta dirigi su mes riba empresarionan cu un plan di negoshi realistico o cu ta aspira esaki. Nos ta realista y practico. E servicio ta dirigi riba sobrebibencia di e empresario. Nos tin un plan di negoshi basa riba sobrebibencia cu ta enfoca riba exito di nos clientenan.

Ken ta Qredits?