Preguntanan frecuente

Bo por haya bo contesta mesora akibou. Cu opcionnan di busca practico.

  • Qredits ta tuma fiansanan existente over?

    No, e fiansanan di Qredits ta fungi principalmente como inversion den actividadnan empresarial.

  • Con mi ta yega na remarca pa un fiansa?

    Si ta trata di financiamento total di Afl. 100.000 cerca Qredits, bo por yega na remarca pa un fiansa bou condicion cu e financiamentonan actual (si tin) no ta demasiado halto.

    E documentonan cu bo mester, ta depende di si bo ta bay cuminsa cu un negoshi o si bo tin un negoshi caba cu bo kier bay expande.

    Aki bo ta haya e checklist pa e Microfiansa.

  • Garantia pa haya un fiansa ta necesario?

    No, den hopi caso no mester di garantia pa yega na remarca pa un fiansa cerca Qredits. Den cierto situacion por sosode cu e asesor di empresa si ta considera esaki necesario.

  • Mi N.V. tambe por aplica pa un fiansa cerca Qredits?

    Nos ta acepta aplicacionnan pa fiansa tambe di un bv. Den casonan asina nos ta pidi semper garantia priva completo of parcial, pendiente di e fiansa solicita y e situacion di e director y eventual accionista(nan).

  • Kico ta e periodo maximo di un fiansa?

    E periodo maximo di un Microfiansa ta 10 aña. Qredits ta conseha pa mantene e periodo aki mas cortico posibel. E asesor di empresa di Qredits lo discuti esaki cu bo.

  • Cua tipo di negoshi ta exclui di aplicacion pa credito?

    Aplicacionnan cu ta cay bou e siguiente ramonan di negoshi no ta wordo trata pa Qredits.

    • Empresanan relaciona cu sex y tur ramo erotico relaciona cu esakinan
    • Coffeeshops
    • Oficina di Cambio di placa y/of casnan di empeño
    • Empresanan relata cu droga
    • Negoshi di arma
    • Casnan comercial cu transaccionnan importacion y exportacion pa paisnan politicamente y  economicamente instabil.
  • Un plan di negoshi ta necesario pa aplica pa un fiansa di starter?

    Si, ora ta trata di un empresa nobo, un bon plan di negoshi ta esencial ora di evalua bo aplicacion. Qredits ta ofrece diferente recurso pa skirbi un plan di negoshi. Asina bo por haci uso di e modelo plan di negoshi gratis. Tambe bo por dal bay cu nos curso online Skirbi un Plan di Negoshi.

     

  • Mi mester mas cu ƒ 100.000. Mi por acudi cerca Qredits?

    Den caso cu bo necesidad pa credito ta mas grandi cu Afl. 100.000, ta importante pa bo regla e suma di fiansa cu bo tin mester extra, cerca por ehempel un banco prome. E necesidad total di credito di e empresa no por surpasa e suma di Afl. 100.000, esey ta incluso e financiamento di Qredits y e financiamento total cerca un banco.

  • Con e periodo di pago di mi fiansa ta wordo calcula?

    E periodo di pago ta wordo calcula a base di bo situacion personal. Esey kier men cu e ta crea na midi. Hopi bes e periodo di pago ta igual na e duracion di bida economico di e activa.

  • Cua formanan huridico ta bin na remarca cerca Qredits pa un fiansa comercial?

    Aplicacionnan di empresanan cu tin e forma huridico empresa individual (eenmanszaak), asociacion, N.V. sociedad di responsabilidad limita of empresa priva, asociacion bou firma (vof), of sociedad anonimo (N.V.) , por wordo procesa pa Qredits.

  • E pago mensual di interes y/o pago di e credito a faya. Kico awor?

    Bo mes por transferi e suma. E number di IBAN cu bo por usa pa haci transaccionnan di pago manual ta NL75RABO0125571704 riba nomber di Qredits. Pa transaccionnan di pago manual semper menciona bo number di cliente!

  • Mi ta activo den exterior. Mi compania lo por yega na remarca pa un fiansa?

    Bo ta bin na remarca pa un fiansa si mayoria di bo actividadnan comercial ta tuma luga aki na Aruba.

  • Mi por paga mi fiansa di starter o mi fiansa comercial di forma acelera sin sanccion?

    Den caso di un Microfiansa tin e posibilidad pa, despues di e prome aña, paga 10% di e capital pa aña sin sancion of multa. Pago extra of paga e debe di un solo bes tambe ta posibel bou condicion.  E condicionnan cu ta mara na esaki ta para den seccion 6 di e Condicionnan di Credito Microfiansa.

  • Mi por paga e fiansa dentro di un aña tambe?

    Pago extra of paga e Microfiansa den un solo biaha dentro di un aña ta posibel bou cierto condicion. E condicionnan mara na esaki ta para den seccion 6 di e Condicionnan di credito di Microfiansa.

  • Mi por aplica pa un fiansa cerca Qredits den forma di un cuenta coriente?

    No, Qredits ta otorga solamente creditonan comercial te Afl. 100.000.

  • Con lihe mi por dispone di e placa?

    Qredits ta trata pa duna mas claridad dentro di 14 dia despues di e combersacion cu e asesor di empresa. Ora di aprobacion e actanan necesario ta wordo concipia y manda. Despues di ricibi e actanan firma, e suma di e fiansa ta wordo deposita dentro di 5 dia di trabou riba bo cuenta comercial.

  • Mi compania ta existi pa algun aña caba, tog mi por haya un fiansa cerca Qredits?

    Si, Qredits ta otorga fiansanan comercial na empresarionan cu ta lanta un negoshi nobo y tambe na empresarionan existente cu un necesidad maximo di Afl. 100.000.

  • Sin garantia personal (capital o propiedad) mi por yega tog na remarca pa un fiansa cerca Qredits?

    Si, di un principio no tin mester di garantia personal pa yega na remarca pa un fiansa cerca Qredits.

  • Qredits ta pidi garantia?

    Qredits no ta pidi garantia como algo standard. Pendiente di e calculacion total di e riesgo di e plan di negoshi, por pidi e empresario te na unda un persona lo por para garantia pe. Un garantia generalmente ta aumenta e chens pa haya e financiamento.

  • Con Qredits ta anda cu un financiamento combina?

    Den caso di un financiamento combina, ta importante pa Qredits pa e financiamento bancario keda aproba prome. Despues bo por entrega un aplicacion cerca Qredits. E financiamento aplica na banco no por ta mucho mas cu Afl. 100.000.

  • Semper bo ta haya un coach ora bo cera un fiansa cerca Qredits?

    Guia di un coach ta fuertemente consehabel ora di cera un fiansa. E meta di un coach comercial ta pa yuda bo haci un exito di bo empresa.

  • Ta necesario pa bin cu bo propio capital aden?

    No, esaki pa definicion no ta necesario, pero ta depende di bo plan di negoshi y bo presupuesto di inversion. Pa cada aplicacion nos lo evalua te con leu e riesgo total ta hustifica un fiansa sin garantia propio. Generalmente, garantia propio ta aumenta bo chens pa haya e financiamento.

  • Semper bo ta haya un coach ora bo cera un fiansa cerca Qredits?

    Guia di un coach ta fuertemente consehabel ora di cera un fiansa. E meta di un coach comercial ta pa yuda bo haci un exito di bo empresa.

  • Pakico Qredits ta ofrece coaching y guia na empresarionan?

    Coach empresarionan, banda di facilita nan cu un Microfiansa, ta un parti importante di e servicio di Qredits. Dor di facilita e coachnan, esaki ta pone cu e empresarionan ta ricibi atencion personal y guia pa asina aumenta e chens di exito di nan negoshi.

  • Kico ta encera guia y coaching pa Qredits?

    Coach empresarionan, banda di facilita nan Microfiansa, ta un parti importante di e servicio di Qredits. Dor di facilita e coachnan, esaki ta pone cu e empresarionan ta ricibi atencion personal y guia pa asina aumenta e chens di exito di nan negoshi.

  • Ki tempo mi por haya un coach di Qredits?

    Qredits ta ofrece trayectonan di coaching na empresarionan cu ta start y empresarionan existente kende a ricibi un fiansa di Qredits.

  • Ami tambe por haya un coach si mi no a haya un Microfiansa cerca Qredits?

    No, solamente empresarionan cu tin un necesidad di credito of a haya un fiansa cerca  Qredits, por acudi cerca Qredits pa un coach personal

  • Kico un coach di Qredits por nifica pa mi?

    Nos coachnan boluntariamente ta comparti nan conocemento, experencia y red. Pa medio di consehonan practico nan ta yuda empresarionan engrandece nan negoshi.

  • Ken ta e coachnan di Qredits?

    E coachnan di Qredits ta ex-empresarionan exitoso y profesionalnan for di diverso ramo comercial o organisacion. Tur e coachnan tin vinculacion cu e ofishi empresarial y boluntariamente nan kier pone nan conocemento y experencia na bo disposicion pa yuda cu e preguntanan cu bo ta luchando cu nan.

  • Ki aspecto un trayecto di coaching di Qredits tin?

    E trayecto di coaching ta cuminsa cu un intake unda bo ta haci palabracion cu e coach di e frecuencia (cuanto bes) y indole di e momentonan cu boso ta topa y ken ta tuma e iniciativa pa cu esey. Tambe ta stipula e meta di e trayecto di coaching (ki ora e trayecto ta exitoso). Pa completa e trayecto tin un ultimo encuentro den cual ta evalua si a logra e meta stipula. Tambe bo experencianan como empresario pa cu e proyecto di coaching ta wordo trata. E trayecto di coaching cu credito tin un duracion di diesdos luna y ta encera minimo diesdos encuentro.

  • Unda mi por entrega un keho riba mi trayecto di coaching?

    Ora bo no ta satisfecho cu algo, bo por manda esaki pa e departamento di coaching di Qredits, esaki por dor di yena e formulario di keho.

  • Cua condicionnan ta aplicabel?

    Riba tur compra di Qredits nos condicionnan general ta aplicabel.

  • Ta necesario pa tene un entrevista di introduccion prome cu un coach di Qredits?

    No, lamentablemente no ta posibel pa cera conoci prome cu un coach di Qredits di e trayecto di coaching.

    Qredits ta masha cuidadoso y ta pone hopi atencion na seleccion y calidad di e coachnan. Nos ta puntra e coachnan pa compila un profil di coach completo y detaya di modo cu por haci un bon escogencia den e coachnan.

    E proceso ta di tal forma cu bo mes por selecta un coach. For di practica ta resulta, como cu bo mes ta selecta un coach, cu casi no tin mis-match entre empresario y coach. Si tog ainda nan no ta clik cu otro, bo por manda un email pa e departamento di Coaching na  coaching@qredits.nl. Bo ta ricibi un chens so mas pa selecta un otro coach for di e pool di Coach.

  • Mi por extende e trayecto di coaching?

    Ora e periodo di e trayecto di coaching pasa, ta posibel pa extende bo trayecto di coaching cu bo mesun coach actual. Pa cu esaki, tuma contacto cu bo asesor di empresa.

  • Mi no a haya contesta riba mi pregunta, kico awor?

    Bo pregunta no ta entre esunnan aki, e ora tuma contacto cu e oficina di Qredits na Aruba. Bo por manda un email pa aruba@qredits.nl.

  • Un plan di negoshi ta necesario pa aplica pa un fiansa di starter?

    Si, ora ta trata di un empresa nobo, un bon plan di negoshi ta esencial ora di evalua bo aplicacion. Qredits ta ofrece diferente recurso pa skirbi un plan di negoshi. Asina bo por haci uso di e modelo plan di negoshi gratis. Tambe bo por dal bay cu nos curso online Skirbi un Plan di Negoshi.

     

  • Kico ta e meta di e modelo plan di negoshi?

    E modelo plan di negoshi a wordo desaroya pa expertonan financiero di Qredits. Dor di yena e plan aki, bo ta haya un bista cla den loke bo kier como empresario, con bo ta bay haci esey y kico bo mester pa hacie. E ta contene tur elemento necesario cu bo mester pa un plan di negoshi completo.

    E plan di negoshi bo por usa pa bo mes, pa bo eventual socio(nan) y naturalmente  pa aplica pa un fiansa cerca Qredits.

  • Kico ta e curso online Skirbi un plan di Negoshi?

    E curso online Skirbi un Plan di Negoshi ta un metodo di estudio unda den 6 capitulo bo mes ta skirbi bo propio plan di negoshi. Esaki bo ta haci cu ehempelnan, video, experencianan di otro empresarionan y pa medio di tarea. E capitulonan ta basa riba e modelo plan di negoshi di Qredits.

    Skirbi un plan di negoshi por ta un trabou grandi. E curso online ta haci e skirbimento di un plan asina, simpel y ameno. E cos unico ta, cu ora bo completa e curso online, na final bo ta keda cu un plan di negoshi concreto cu bo por usa mesora pa bo mes, pa cualke socio cu bo drenta negoshi cu ne y naturalmente pa aplica pa un fiansa cerca Qredits.

  • Na cua specificacionnan tecnico mi computer tin cu cumpli pa mi por sigui e curso online?

    E curso online ta traha den bo internet browser. Pa esaki bo mester un version up-to-date di por ehempel Internet Explorer, Firefox, Safari of Google Chrome. E curso aki bo por tuma solamente online, y conexion cu internet ta necesario. Nos ta conseha bo pa desactiva cualke 'pop-up blocker' ora bo ta usa e programa aki.

  • Cua software ta necesario pa por sigui e curso online?

    Bo mester di un conexion riba internet solido y un internet browser cu ta up-to-date. Na final di e curso, bo ta download bo propio plan di negoshi (un *.docx file) y plan financiero (un *.xlsx file) cu por habri den mayoria programa di office. Paga tino: Numbernan riba un sistema di Apple no ta compatibel cu e plan financiero den Excel. Den un caso asina nos ta conseha bo pa scoge un programa online manera Google Spreadsheet pa esaki.

  • Mi por sigui e curso online riba diferente computer of solamente riba e mesun cu mi ta usa semper?

    Cu bo datonan pa drenta den bo sistema, bo por usa maximo 3 diferente computer pa sigui e curso online. Paga tino: Despues di esaki bo codigonan pa drenta ta wordo blokea.

  • Con largo mi por sigui e curso online?

    E datonan di drenta den e curso online, ta keda balido pa 3 luna. Pa e curso online Skirbi un Plan di Negoshi ta stipula mas o menos 16 ora. Asina cu bo completa e curso online bo ta download bo propio plan di negoshi den un WORD file. Esaki bo por warda riba bo computer y bo por adapta esaki na cualke momento. Pa haci esey bo no mester di e curso online mas.

  • Mi por extende e fecha di balides di e curso online?

    E curso online por wordo extende un solo bes gratis.

  • E datonan cu mi ta hinca aden durante e curso online ta safe?

    Si. Locual bo hinca aden ta wordo transmiti pa un conexion sigura y lo no wordo comparti cu  tercer partida.

  • Con Qredits ta anda cu privacidad di mi datonan cu mi a hinca den?

    Naturalmente cu Qredits ta haya bo privacidad importante. Nos no lo usa bo datonan nunca pa metanan comercial sin bo aprobacion.

  • Cuanto tempo e curso online aki ta tuma di mi?

    Skirbi un bon plan di negoshi ta tuma sigur hopi tempo. Pa un bon resultado bo tin cu tuma aproximadamente 16 ora pa traha riba dje.

  • Mi tin cu sigui e curso online aki den un solo bes sin stop?

    Bo por interumpi e curso online cuanto biaha cu bo mes kier pa sigui na un otro ora despues. Datonan cu ya bo a yena caba, ta keda warda.

  • E secuencia di e curso online ta stipula segun diferente modulo?

    No. Bo mes por determina cua capitulonan (modulonan) di e plan di negoshi bo kier traha riba dje y ki ora. E secuencia di e capitulonan den e curso online ta esun mas logico si.

  • Unda mi por entrega un keho riba e curso online?

    Si bo no ta satisfecho cu e curso online, bo por entrega un keho cerca nos riba nos website.

  • Despues di e curso online, mi tin mi propio plan di negoshi completo?

    Si, despues cu bo a sigui ful e curso online, bo tin un plan di negoshi completo y bon acaba. Cu esey bo por cuminsa bon prepara cu bo negoshi.

  • Con mi ta saca mi plan di negoshi for di e curso online?

    Ora bo a sigui henter e curso online y bo a yena tur dato completo aden, ta posibel pa download bo propio plan di negoshi. E plan aki bo por warda como un Word-file y mas despues bo mes lo por adapta esaki si mester.

  • Tin un plan financiero hunto cu e plan di negoshi tambe?

    Despues cu bo completa e curso online, bo ta traha tambe un plan financiero pa bo negoshi. E plan financiero aki, separa di bo plan di negoshi, bo por download como Excel-file.

  • Mi tin cu caba e curso online completo prome cu mi por haya un plan di negoshi?

    Pa tin un plan di negoshi completo, bo tin cu yena tur e cuadranan den e programa. Bo por, sinembargo, download y warda of print, (un version incompleto di) e plan prome cu bo caba ful.

  • Cu e plan di negoshi aki mi por acudi na cualke banco pa un fiansa?

    E plan di negoshi cu bo compila cu e curso online aki, tur banco por acepta.  Esey no ta encera cu berdaderamente bo ta haya un fiansa. Riba esey cada banco ta dicidi segun nan propio regla. Si ta asina cu tur tema esencial di un plan di negoshi ta wordo trata den e curso online.

  • Con mi por habri un account?

    Qredits ta otorga vouchers cu cua bo por drenta den e curso online.

  • Ki tempo un coaching personal ta vigente pa mi?

    E curso online ta specialmente desaroya pa guia bo bon den skirbi bo plan di negoshi di forma independiente. Si bo no logra sali afo bo so, e ora un guia personal den forma di bo propio coach, sigur lo por ta algo pa bo. Primi aki pa nos posibilidadnan di coaching.

  • Mi no a haya contesta riba mi pregunta. Kico awor?

    E ora bo por yena nos formulario di contacto cu bo pregunta y nos lo tuma contacto cu bo mas lihe posibel.

Preguntanan frecuente