Stichting Qredits su meta ta pa yuda e comerciante

Stichting Qredits su meta ta pa yuda e comerciante

01-09-2017 ArubaMicrofiansa

Stichting Qredits ta un fundacion for di Hulanda. Segun director id Qredits, Oliver Vieira, nan tin mas of menos 5 luna estableci na Aruba. Nan meta ta pa yuda comerciantenan. Esaki ta nifica cu ta algo hopi amplio. Nan tey pa yuda no solamente negoshinan existente, pero nan tin un enfoke riba esunnan cu ta cuminsando. Nan ta haci esaki den diferente manera. Un di e opcionnan ta financiamento, pero alabes ta ofrece coaching y un tiki di educacion.

Vieira a splica ta cu nan guia ta no solamente tuma luga na cuminsamento, pero tambe durante di e proceso di e credito si tin mester y tambe despues di esey. Nan ta echt sinti cu e persona lo kier coaching completo. No solamente na un parti so, pero na full e trayecto. Tin casonan na Hulanda y na Aruba tin e mesun pregunta, cu si necesariamente mester di e credito, pero si mester di e coaching.

Qredits a cuminsa rond di 2009 y nan rason pa cuminsa ta cu na Hulanda tambe a tuma nota cu e oportunidad pa financiamento pa clientenan chikito, no tabata fit den e mercado mas di e banconan. E ora eynan a bin cu e idea pa cuminsa cu un organisacion pa sostene esaki y el a bin den forma di Stichting Qredits.

E limite cu Qredits tin ta 50 mil. Nan ta bezig ta expande nan portfolio di cliente. E idea ta pa despues bira mas cu 50 mil, manera cu ta na Boneiro, cu a bira mas cu 50 mil dollar.

E negoshinan existente cu tin na Aruba caba, ya caba ta brinda di experiencia y tambe un tiki informacion cu por uza pa financiamento, pero tin pa e entrepeneurnan hoben, un programa di educacion cu ta e business plan, cu ta duna e-learning pa hendenan aki por pasa door di dje, prepara nan business plan, ta bin na Qredits y wak con por yuda nan mas ainda.

Pa loke ta aceptacion di e comerciantenan local, ta hopi positivo. Segun Vieira, nan ta brinda algo cu hopi hende ta bisa, cu e parti di coaching, mester di e placa, mester di e fondonan pa yega na algo, pero tambe nan ta admiti cu nan tin mester di un guia. Nan ta prefera pa ta miho informa pa haci un inversion, cu despues di un aña nan bisa cu e inversion por tabata miho. No tin siguridad. Ningun hende no por mira futuro. Pero si semper bo por prepara bo mes pa duna e miho chens pa ta exitoso.

Vieira a splica cu manera cu ta mira coaching, ta algo hopi amplio. Nan ta duna e feedback eynan, pasobra ta puntra semper pa un begroting of idea kico ta cu ta loke ta bay ta financiando. Con esey ta relata na e productividad di e negoshi.

Stichting Qredits su meta ta pa yuda e comerciante