Qredits ta fasilita microfiansa na Aruba

Qredits ta fasilita microfiansa na Aruba

04-04-2017 ArubaMicrofiansa

Qredits a cuminsa opera na Aruba riba 1 di April 2017.Desde awe lo ta posibel pa commerciante nobo I existente pidi microfiansa te cu Afl. 50,000 via di e website www.qredits.com. Igualmente e offesina di Qredits a ser habri na MFA Noord. Diamars 4 di April pa 4or di atardi lo habri e offesina nobo di Qredits hunto cu compania di Minister-President Mike Eman.

Riba 21 di Maart 2017, Elwin Groenevelt (CEO di Qredits) y Minister – President Mike Eman a firma e contract pa asina Qredits cuminsa opera na Aruba.
E proposito di Qredits ta pa sostene empresarionan door di duna un fiansa pa negoshi te cu un valor di Afl. 50,000 y tambe ofrece guia local na empresarionan den nan fase inicial.

Qredits su meta ta pa otorga mas o menos 100 credito cu un promedio di Afl. 30,000 durante aña 2017/2018, guia 200 empresario ora nan cuminsa cu nan compania y ofrece 250 studiante e oportunidad pa asisti un programa di educacion pa empresario “ Ik word eigen baas”.

E popular e-learning “Ondernemingsplan Schrijven”, a wordo traduci na Ingles, Spaño y Papiamento y lo wordo ofreci na empresarionan via Qredits I Kamer van Koophandel.

Qredits Aruba team lo consisti di dos bedrijfs adviseurs local, cu lo evalua e diferente plan di empresario y aplicacion di credito.
Oliver Vieira tin varios aña di experiencia den banco comercial local y empresanan nobo cu a wordo lanta.
Oliver lo tin e posicion di Branch Manager di Qredits Aruba. Qredits lo buska un di dos bedrijfs adviseur.

Desde awe ta posibel pa bishita e website di Qredits via www.qredits.com.
E website ta obtenibel den 4 idioma, cu ta Hulandes, Ingles, Spaño y Papiamento.E peticion pa credito por wordo entrega riba nos website y e documentonan necesario por wordo uploaded.

Sr. Elwin Groenevelt, CEO di Qredits:

“Cu e establecimento aki na Aruba, nos ta pone e siguiente paso pa duna tur empresario den islanan di Caribe, e oportunidad pa cuminsa cu nan mesun negoshi y asina sigi crece. Despues di Boneiro, Aruba ta un isla ideal caminda nos por mustra cu nos sistema ta exitoso”.

Mas di Qredits:

Qredits ta un fundacion (non-profit) na Hulanda cu ta juda empresarionan funda of inverti den nan negoshi y ta ofrese credito micro te cu €50,000 y credito MKB te cu €250,000, guia personal y tools pa empresario.
Qredits a duna mas di 9,500 empresario credito, di un suma total di 190 miyon Euro.
Cu e suma aki, Qredits ta e organo mas grandi di credito alternativo na Hulanda.
E porcentahe cu no ta cumpli cu nan credito ta abow, paso guia y coaching ta wordo duna pa 600 coach voluntario.
Pa mas informacion di Qredits por bishita nos website www.qredits.nl

Qredits ta fasilita microfiansa na Aruba