Prome chekeo

Prome chekeo

Despues cu bo a entrega un aplicacion pa medio di e website, nos ta wak den e fase di Intake si bo aplicacion ta cuadra cu e grupo meta di Qredits y si bo aplicacion ta completo. 

E siguiente preguntanan ta di importancia pa determina si bo ta pertenece na e grupo meta:

  1. Si e necesidad pa financiamento di e empresa ta mas grandi cu Afl. 100.000? Qredits ta otorga fiansanan te cu maximo Afl. 100.000.
  2. Con grandi e fiansanan actual ta si tin? En general, esaki no ta permiti surpasa e suma total di Afl. 50.000 ora aplica paun Microfiansa.
  3. Ta trata un empresa cu principalmente ta activo riba e mercado na Aruba y cu ta estableci na Aruba tambe? Esaki ta un condicion importante pa yega na remarca pa un credito.
  4. E ramo di negoshi ta cuadra cu e grupo meta pa financiamento pa medio di Qredits? Algun ramo specifico ta exclui  (wak preguntanan frecuente).

Aplicacion di Calidad

Despues cu a keda stipula si bo ta pertenece na e grupo meta di Qredits, nos ta wak si e aplicacion ta completo y di suficiente calidad. Pa cu esaki, nos ta haci e siguiente preguntanan:

  1. Tin un plan di mercadeo elabora?
  2. E hustificacion financiero ta corecto?
  3. Bo idea ta cla y transparente poni riba papel?
  4. Tur documento rekeri ta hunto cu e aplicacion?

Normalmente bo ta ricibi dentro di cinco dia despues di aplica, un reaccion pa medio di un mail si e aplicacion a wordo procesa. Si e aplicacion no ta completo, nan ta pidi bo pa entrega documentonan adicional of nan ta conseha bo pa busca yudansa ora di traha bo plan di negoshi pa medio di por ehempel e curso online con pa Skirbi un Plan di Negoshi di Qredits.

Aplicacion pa Asesor di Empresa

Ora Qredits tin un bon imagen di bo empresa y bo aplicacion ta completo, e ta wordo manda pa un asesor di Qredits. E asesor aki lo evalua bo aplicacion y ta evalua e factibilidad di bo plan.

Bek pa paso 1  Sigui pa paso 3

Wak e 5 pasonan

1. E aplicacion

Despues di yena e formulario di aplicacion nos ta puntra bo pa upload algun documento. Cua ta e documentonan cu bo tin cu manda, ta depende di si bo ta un empresario nobo of un existente y cua fiansa bo ta desea. Wak e diferente checklistnan.

2. E prome chekeo

Den e fase aki, nos ta wak si bo aplicacion pa fiansa ta cuadra cu Qredits y si bo aplicacion pa fiansa ta completo. Dentro di cinco dia di trabou bo ta ricibi di nos un reaccion via mail. E ora bo ta tende si bo aplicacion pa fiansa ta den proceso y e asesor di Qredits ta bin bishita bo.

Lesa mas di e condicionnan di Qredits.

3. Cita cu asesor di Qredits

Ora nos tin un idea cla di bo empresa y bo aplicacion ta completo, bo aplicacion ta bay pa un asesor di Qredits. E asesor di empresa aki lo evalua bo aplicacion y ta comproba e factibilidad di bo plan.

E asesor di Qredits lo tuma contacto cu bo dentro di cinco dia pa planea un cita. E combersacion extenso aki ta tuma luga cerca bo na cas of den bo negoshi.

Lesa mas tocante e combersacion cu e asesor di empresa.

4. Evaluacion definitivo di bo aplicacion

Den e fase aki e riskmanager di Qredits ta evalua bo aplicacion pa fiansa y e raport cu e asesor di Qredits a compila di bo aplicacion y boso combersacion.

E evaluacion di e riskmanager ta sigui dentro di tres dia di trabou despues di ricibi e raport di e asesor di Qredits. E riskmanager ta determina finalmente si e fiansa ta wordo aproba y bou di cua restriccion esaki ta sosode.

Lesa mas di e evaluacion definitivo.

5. Otorga fiansa

Si tin aprobacion nos ta pone man na obra pa concipia un contract di credito. Prome bo ta ricibi di nos un proposicion pa financiamento. Akiden tin tur palabracion stipula tocante e fiansa. Si esaki wordo aproba, bo ta ricibi di nos e oferta y e acuerdo di credito.

Pendiente di bo banco, e suma ta minimal un te cu maximal cinco dia di trabou riba bo cuenta comercial.

Lesa mas tocante bo prestacion.

 
Prome chekeo