Cita cu e Asesor di Empresa

Cita cu e Asesor di Empresa

Despues di a ricibi e aplicacion pa fiansa, e asesor di Qredits ta evalua e contenido di bo file. Ora e asesor di Qredits mira suficiente posibilidad den bo aplicacion pa un fiansa, e ta tuma contacto cu bo persona pa traha un cita. Tambe ta posibel cu e asesor ta pidi bo pa informacion adicional.

E asesor di Qredits ta trata dentro di 10 dia di trabou pa tuma contacto cu bo. Si planea un cita, e asesor di Qredits ta bin bo cas of na bo compania pa un entrevista extenso. Bo ta casa o bo ta biba hunto cu bo pareha, e ora ta importante pa bo pareha tambe ta presente na e combersacion aki.

E combersacion

Durante e screening aki ta bay den extenso riba bo historia personal y bo plannan. Nan no ta wak solamente cifra, sino tambe bo motivacion pa inicia un empresa y lo papia tambe di bo abilidadnan como empresario. E asesor di Qredits ta evalua hunto cu bo e factibilidad, e circumstancianan di mercado local y bo ramo di negoshi. Kisas e asesor ta pidi bo pa splica of pa prueba cierto asuntonan. Pesey semper tin bo adminsitracion personal hunto cu bo. Ademas e asesor lo puntra bo pa legitima bo mes y pa un copia di bo identificacion. Esaki pa stipula bo identidad y pa controla bo firma mas aleu den e proceso di aplicacion.

Na Final

E asesor di Qredits por duna bo un indicacion di bo chensnan pa haya un fiansa. Si e evaluacion di e asesor di empresa resulta negativo, e ta laga bo sa esaki dentro di 1 siman. Si e evaluacion resulta positivo, e fiansa ainda no a keda definitivamente aproba. E ultimo evaluacion ta sosode pa un riskmanager di Qredits. E ta basa su mes riba e raport di  screening di e asesor di empresa. E screening - te cu e evaluacion pa e riskmanager - ta dura mas  o menos 1 pa 2 siman.

Bek pa paso 2  Sigui pa paso 4

Cita cu e Asesor di Empresa